Samsung Galaxy Note 9 Feature

Samsung Galaxy Note 9 aj New York me launch ho chuka h. Is bar S Pen ko kafi advance kia gaya h. Dekhte h iske sabhi specs, price, features aur India availability ko.

Samsung Galaxy Note 9 ke top variant me apko 512 GB internal storage milegi. Sath hi ap chahe to 512 GB ka SD card bhi laga sakte h. Iske bad apki jeb me total 1 TB storage hogi apne Galaxy Note 9 ke roop me. Americe me ye Qualcomm Snapdragon 845 SoC ke sath aega. But India me ye Samsung Exynos 9810 ke sath ayega.

Samsung Galaxy Note 9 midnight black, metallic copper, ocean blue aur levander purple color me milega. Majedar bat to ye h ki ocean blue variant yellow color ke S Pen ke sath aega. Dusre variant me phone ke color ke hisab se hi S Pen ka color hoga. Market ke hisab se ye handset single aur dual SIM variant me milega. Tension mat lijie India me to ye dual SIM ke sath hi aega.


Samsung Galaxy Note 9: Price

Samsung Galaxy Note 9

American market me Samsung Galaxy Note 9 ki price $999 (Approx Rs 68,700) se shuru hoti h. Ye price 6 GB RAM aur 128 GB storage wale variant ka h. Agar 8 GB RAM aur 512 GB storage wale variant ki bat kare to uski price $1,250 (Approc Rs 85,900) rakhi gayi h. American market me Galaxy Note 9 ke pre-order booking kal yani ki 10th August se shuru hogi aur iski sale 24th August 2018 se.

Samsung Galaxy Note 9: Specifications

Samsung Galaxy Note 9 S-Pen

Samsung Galaxy Note 9 me 6.4 inch ka quad HD+ super AMOLED Infinity display 2.0 milega jiska resolution 1440 x 2960 pixels h. Pehli bar Galaxy Note series me itna bada display dia gaya h. Ye handset 18.5:9 ke aspect ratio ke sath aega. Galaxy Note 9 ki chodayi aur motai thodi jada h. Galaxy Note 9 ka wajan 200 gram he. Jesa ki mene apko pehle hi bata dia h ki America me Galaxy Note 9 Snapdragon 845 Processor ke sath aega (2.8 GHz + 1.7 GHz). India me ye handset Samsung Exynos 9810 processor (2.7 GHz + 1.7 GHz) ke sath aega.

Samsung ne Note 9 ke do variants launch kie h- 6 GB LPDDR4 RAM/ 128 GB storage aur 8 GB LPDDR4 RAM /512 GB Storage. Camera ki bat kare to Galaxy Note 9 me dual rear camera setup milega. Dono hi sensor 12 MP ke honge jinka aperture f/1.5- f/2.4 hoga. Rear camera se ap 2X optical zoom aur 10X tak digital zoom kar paenge. Selfie aur video calling ke lie 8 MP ka autofocus camera dia gaya h jiska aperture f/1.7 he.

Samsung Galaxy Note 9 me 4000 mAh ki battery he jo Samsung Galaxy Note 8 me mojud 3300 mAh se jada power backup degi. Samsung Galaxy Note 9 ke sath milne wale S-Pen ko pehle se aur bhi behtar banaya gaya h. Sath hi isme pehle ke muqable kayi features ko bhi add kia gaya h. Naya S-Pen bluetooth support ke sath me ata h. S-Pen bluetooth Low-energy module ke sath aega. Naye S-Pen ko ap remote control ke tour par bhi use kar paenge.

Samsung Galaxy Note 9 S-Pen

Samsung Galaxy Note 9: S-Pen Features

S-Pen ki madad se ap asani se photos click kar paenge. Ek bar button press karne par camera active ho jaega. Button do bar press karne par front ya rear camera ke bich me asani se switch kia ja sakega. Samsung ne bataya ki 40 second charge karne par ap S-Pen ko 30 min tak use kar paenge, yani 200 clicks. Smartphone me lagane par ye apne ap hi charge hota rahega. Connectivity ke lie Samsung Galaxy Note 9 me dual Band WiFi 802.11 AC, Bluetooth 5.0, USB Type-C charging port, 3.5 mm audio jack milega. Samsung Galaxy Note 9 IP68 rating ke sath me ata h.


Samsung Galaxy Note 9 Launched: Price, Specifications and Features
Share:

Comments

comments

Tagged on:     

Samyak Talesra

Engineer by education, Blogger by profession, Passionate for technology.Co-Founder at Vyavasthit.com Founder at [email protected] on almost all social media.